Si, o nome e moi longo, pero nesta entrada quero describir un dos proxectos que elaboramos no centro co fin de darlle algo de utilidade e de sentido ás memorias que facemos a finais do curso.
En moitos centros é un documento de texto que se imprime, un formulario que se almacena no ordenador.. pero en todo momento son sistemas nos que dende o meu punto de vista non ten sentido ningún xa que resulta imposible, ou cando menos moi laborioso, extraer información ademáis da que ven no propio formulario.
No meu último ano levando a calidade do meu Centro, decidín que o sistema tería que ser moito mellor que o que había, e que debería de haber un sistema centralizado, onde os inspectores puideran consultar e cruzar as informacións que os diversos centros elaboran. Con esa idea naceu XesCentro.
Xescentro permitía (e permite) inserir datos de resultados de materias, amosar resultados comparándoos con resultados de anos anteriores, analizar resultados de grupos, cursos, etapas educativas e todo con unha retrospectiva dos últimos 4 anos.
Unha vez elaborada toda a documentación, a dirección pode recoller a información e xerar un .pdf comprobante, aínda que todo estará accesible dende o propio aplicativo.
Sen dúbida XesCentro foi un paso moi importante para eliminar traballo redundante tanto de profesorado, coma do equipo directivo e da propia inspección. O proxecto séguese a usar pero aínda ten bastantes defectos xa que tan só permite xestionar un centro e non permite extraer tanta información como cando se ideou.
A nova versión de XesCentro é SXM, unha reestructuración do proxecto que presentei como proxecto Fin de Carreira para obter o título de Graduado en Informática
